کراچی کے وکلاء نے بھی ڈاکٹروں کیخلاف بڑ اعلان کردیا‘ جان کر سب دہنگ رہ جائینگے

کراچی(مانیٹرنگ نیوز‘ ویب ڈیسک‘ صحافی ڈاٹ کام)لاہور کے پنجاب انسٹی ٹیوٹ آف کارڈیالوجی(پی آئی سی)میں حملہ کرنے والے وکلا کی غنڈہ گردی کے بعد اب کراچی کے وکلا نے بھی اپنے کالے کوٹ والے بھائیوں کی حمایت کرتے ہوئے ڈاکٹروں پر حملہ کرنے کی دھمکی دے دی۔تین روز قبل ایک ویڈیو وائرل ہونے کے ردعمل میں وکلا کی جانب سے لاہور میں پی آئی سی پر حملہ کر کے توڑ پھوڑ کی گئی تھی اور اس ہنگامہ آرائی کے دوران ایک خاتون سمیت 3 مریض انتقال کر گئے تھے۔ پی آئی سی میں ہنگامہ آرائی اور توڑ پھوڑ کے الزام میں وکلا سے زائد وکلا کو گرفتار بھی کیا جا چکا ہے جن کی رہائی کے لیے وکلا تنظیموں کی جانب سے ملک بھر میں عدالتی کارروائی کا بائیکاٹ کیا جا رہا ہے اور احتجاجی مظاہرے بھی کیے جا رہے ہیں۔اس تمام تر صورت حال کے بعد اب کراچی کے وکلا نے بھی متحد ہو کر ڈاکٹرز پر حملہ کرنے کی دھمکی دی ہے۔صباح نیوز کے مطابق سوشل میڈیا پر ایک ویڈیو وائرل ہے جس میں دیکھا جا سکتا ہے کہ کراچی کے وکلا بھی اشتعال انگیزی پر اتر آئے ہیں۔ویڈیو میں ایک وکیل کہہ رہا ہے کہ سب سے پہلے ڈاکٹروں نے حملہ کیا تھا، وکلا نے تو صرف جواب دیا ہے، کہیں کا بھی اسپتال ہو ہم نہیں چھوڑیں گے، یہ ملک ڈاکٹرز نے نہیں وکلا نے بنایا تھا۔وکیل نے مزید کہا اب اگر اور ڈاکٹروں، پولیس یا کسی ایجنسی نے کوئی آگے قدم بڑھایا تو پورے پاکستان کے جتنے اسپتال ہیں ہم وہاں گھس کر ڈاکٹروں کو ماریں گے، ہم ان وکلا کو خوش آمدید کہتے ہیں جنہوں نے ڈاکٹرز اور پولیس والوں کو مارا ہے، وکلا نے بہت ہی اچھا کیا ہے، ہم وکلا برادری کے ساتھ ہیں اور ان کی مکمل حمایت کرتے ہیں۔ایک اور وکیل نے کہا کہ ہم کراچی کے ڈاکٹرز کو بھی نہیں چھوڑیں گے، ڈاکٹرز اگر اپنی حفاظت چاہتے ہیں تو ہم سے معافی مانگیں۔وکلا کا کہنا تھا کہ ہم فی الحال کراچی بار الیکشن میں مصروف ہیں لیکن اگر زیادہ ضرورت پڑی تو ہم ڈاکٹروں کو جواب دینے کے لیے تیار بیٹھے ہیں، چاہے وہ جناح اسپتال ہو یا کراچی کے کسی بھی اسپتال کے ڈاکٹرز ہوں سب کو جوتے مار کر نکالنا چاہیے۔

اس خبر پر اپنی رائے کا اظہار کریں

اپنا تبصرہ بھیجیں