سیکیورٹی گارڈ نے ۔۔۔ کی خواہش پوری نہ ہو نے پر خودکشی کرلی

مظفرگڑھ (مانیٹرنگ ڈیسک ‘ویب ڈیسک‘ صحافی ڈاٹ کام) صوبہ پنجاب کے ضلع مظفر گڑھ میں سیکیورٹی گارڈ نے چھٹی نہ ملنے پر خودکشی کرلی۔آئی این پی کے مطابق پنجاب کے ضلع مظفر گڑھ کے قصبہ گجرات میں آئل کمپنی کے سیکیورٹی نے گارڈ نے خود کو گولی مار کر اپنی زندگی کا خاتمہ کرلیا، سی سی ٹی وی ویڈیو میں سیکیورٹی گارڈ شوکت خود کو گولی مارتے دیکھا جاسکتا ہے۔سیکیورٹی گارڈ شوکت نے پانچ اپریل کو خودکشی سے پہلے اپنا موبائل فون اور کچھ رقم سیکیورٹی عملے کے حوالے کی اور پھر خود کو گولی مارلی۔سیکیورٹی گارڈ کے ساتھیوں نے الزام عائد کیا ہے کہ چھٹی نہ ملنے اور افسران کے ناروا سلوک سے تنگ آکر شوکت نے خود کو سر پر گولی مار کر زندگی کا خاتمہ کیا۔پولیس کے مطابق سیکیورٹی گارڈ نے گھریلو حالات سے تنگ آکر موت کو گلے لگایا ہے۔پولیس کا کہنا ہے کہ ورثا نے مقدمے کے اندراج کے لیے درخواست نہیں دی اس لیے مقدمہ درج نہیں کیا گیا۔

اس خبر پر اپنی رائے کا اظہار کریں

اپنا تبصرہ بھیجیں