حکومت کا عوامی مقامات پر غیر مناسب لباس پہننے پر جرمانہ عائد کرنے کی تیاریاں‘جرمانہ کتنا ہوگا؟ جانیے آپ بھی!

کویت(مانیٹرنگ نیوز‘ ویب ڈیسک‘ صحافی ڈاٹ کام)کویت میں عوامی مقامات پر غیر مناسب لباس پہننے پر جرمانہ عائد کرنے کی تیاریاں شروع ہو گئی ہیں۔ اس سلسلے میں کویتی رْکن پارلیمنٹ ماجد المطیری نے عوامی مقامات پر غیر مناسب لباس پہننے والوں کے خلاف سخت قانون سازی کی سفارش کی ہے۔ ماجد المطیری نے پارلیمنٹ میں اس قانون سازی کے لیے 11 صفحات پر مبنی بل بھی پیش کر دیا ہے۔المطیری کی بل میں پیش کردہ سفارشات کے مطابق ہر وہ شخص خواہ کویتی ہو یا غیر ملکی، اس پر یہ لازم ہے کہ وہ عوامی مقامات پر اخلاق عامہ کا خیال رکھے۔آن لائن کے مطابق ایسا لباس جس پر غیر مناسب عبارت درج ہو یا غیر اخلاقی تصاویر بنی ہوں،کے علاوہ سوتے وقت پہنا جانے والا لباس زیب تن کر کے عوامی مقامات پر آنے والوں کو کم سے کم 5 سو کویتی دینار اور زیادہ سے زیادہ 1000 دینار کا جرمانہ عائد کیا جائے۔عوامی اداروں میں قطار کی خلاف ورزی کرنے والوں کے خلاف بھی سزا کی سفارش کی گئی ہے۔ سفارشات میں مزید کہا گیا ہے کہ متعلقہ ادارے سے اجازت لیے بغیر وال چاکنگ کرنا بھی خلاف قانون شمار کیا جائے۔ ایسے افراد کو بھی قانون شکنی کے دائرے میں شامل کیا جائے جو عوامی مقامات پر بلند آواز میں موسیقی سنیں، کسی کو غیر اخلاقی القابات سے پکاریں یا ایسے الفاظ کا استعمال کریں جو تعصب پر مبنی ہوں، دوسروں کی حق تلفی کرنے، بچوں اور خواتین سے غیر مناسب زبان استعمال کرنے والوں کے خلاف بھی قانون سازی کی سفارش کی گئی ہے۔

اس خبر پر اپنی رائے کا اظہار کریں

اپنا تبصرہ بھیجیں